Претседателот на ТХП Ибрахим оствари средба со првиот парламентарец на Турција Куртулмуш
Скопје, 16 февруари 2024
Претседателот на Партијата за движење на Турците - ТХП, пратеникот Енес Ибрахим во Анкара оствари средба со Претседателот на Големото народно собрание на Република Турција, Нуман Куртулмуш.
На средбата Ибрахим истакна дека по НАТО алијансата, Северна Македонија и Турција ќе го продолжат стратешкото партнерство и на патот кон ЕУ, додавајќи дека традиционалните пријателски односи меѓу двете земји се основаат на цврсти и искрени заеднички вредности.
И двете страни се согласни дека одличната соработка меѓу Северна Македонија и Турција ќе продолжи да се унапредува во сите клучни сфери.
На средбата исто така се разговараше и за политичко - општествените случувања во нашата земја, како и положбата на турската заедница во Северна Македонија.
Фото: ТХП
Партија за движење на Турците - ТХП
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
