Претседателот на Тотенхем подготвен да ја плати ослободителната клаузула за Алонсо
- Претседателот на Тотенхем, Даниел Леви, е подготвен да плати ослободителна клаузула за менаџерот на Баер Леверкузен, Чаби Алонсо.
![Претседателот на Тотенхем подготвен да ја плати ослободителната клаузула за Алонсо](https://new.mia.mk/index.php/images/20230507174030_big_730x400_54.webp )
Лондон, 7 мај 2023 (МИА) - Претседателот на Тотенхем, Даниел Леви, е подготвен да плати ослободителна клаузула за менаџерот на Баер Леверкузен, Чаби Алонсо.
Како што објави „The Mirror“ раководството на лондонскиот премиерлигаш е сериозно заинтересирано за кандидатурата на фудбалскиот специјалист кој би можел да стане полноправна замена за Антонио Конте, кој си замина претходно оваа сезона.
Леви најави дека желба му е да го плати на Баер обесштетувањето со цел да донесе го Алонсо во Лондон.
Алонсо е предводник на Баер Леверкузен од октомври минатата година. По 30 кола неговиот тим е шести во Бундес лигата со 48 бодови. Покрај тоа, Баер се пласираше во полуфиналето на Лига Европа каде ќе игра со Рома.
Четириесет и едногодишниот Шпанец претходно беше тренер на вториот тим на Реал Сосиедад и на младинскиот тим на Реал Мадрид. зс/
Фото: ЕПА