Претседателот на Собранието Џафери на Вториот парламентарен самит на Меѓународната Кримска платформа
- Претседателот на Собранието на Република Северна Македонија Талат Џафери, во својство на претседател на Интер-партиската парламентарна група за поддршка на Кримската платформа, денеска и утре во Прага, Чешка Република, ќе учествува на Вториот парламентарен самит на Меѓународната Кримска платформа. Во состав на делегацијата се и пратениците Диме Велковски, Никола Мицевски и Арбер Адеми кои се членови на Групата.
![Претседателот на Собранието Џафери на Вториот парламентарен самит на Меѓународната Кримска платформа](https://new.mia.mk/index.php/images/20240127155659_big_730x400_68.webp )
Скопје, 23 октомври 2023 (МИА) - Претседателот на Собранието на Република Северна Македонија Талат Џафери, во својство на претседател на Интер-партиската парламентарна група за поддршка на Кримската платформа, денеска и утре во Прага, Чешка Република, ќе учествува на Вториот парламентарен самит на Меѓународната Кримска платформа. Во состав на делегацијата се и пратениците Диме Велковски, Никола Мицевски и Арбер Адеми кои се членови на Групата.
Како што информира собраниската прес-служба, Џафери ќе има обраќање на Самитот, а на маргините ќе оствари билатерални средби со своите колеги.
Во 2021 година, Меѓународната Кримска платформа беше основана на Првиот инаугуративен самит во Киев, а Првиот Самит на Парламентарната димензија на Кримската Платформа се одржа на 24 и 25 октомври 2022 година во Загреб, Република Хрватска. Таа е единствен координативен и консултативен форум на владино, парламентарно и експертско ниво, кој се фокусира на пет приоритетни области: политика за непризнавање, санкции, зачувување на човекови права; слобода на навигација; економски и еколошки последици од привремената окупација.
Парламентарната димензија има за цел да ја подигне свеста кај светските лидери и пошироката јавност за нелегитимната руска окупација на Крим, нејзиното негативно влијание врз човековите права на локалното население, врз безбедноста во регионот на Црното Море, врз глобалната безбедност на храната како и на светскиот поредок заснован на правила. Овој Самит ќе се заокружи со усвојување на Заедничка декларација. мч/дма/
фото: МИА архива