Претседателот на ДУИ, Ахмети оствари средба со претседателката на Косово, Вјоса Османи
- Претседателот на ДУИ, Али Ахмети денеска остварил средба со претседателката на Република Косово, Вјоса Османи, која е во официјална посета на Република Северна Македонија.
![Претседателот на ДУИ, Ахмети оствари средба со претседателката на Косово, Вјоса Османи](https://new.mia.mk/index.php/images/20230426200524_big_730x400_67.webp )
Скопје, 26 април 2023 (МИА) - Претседателот на ДУИ, Али Ахмети денеска оствари средба со претседателката на Косово, Вјоса Османи, која е во официјална посета на земјава.
Во фокусот на разговорот меѓу Ахмети и претседателката Османи, соопштија од ДУИ, биле билатералните односи меѓу двете земји, европската перспектива, постигнатиот договор со Србија и состојбите во регионот.
![Ахмети - претседателката на Република Косово, Вјоса Османи](/articles/images/претседателотнадуиахметиостварисредбасопретседателкатанакосовs1c0y/FvLzTyMs4/placeholder.webp?use_watermark=0)
- Ахмети и Османи истакнаа дека во овие клучни моменти за европската иднина на двете земји, важно е да се зајакне соработката и да се консолидираат активностите до финализирање на целите, стои во соопштението од ДУИ.
Процесот на уставни измени е оценет како неопходен за европскиот пат што го започна Република Северна Македонија, за што претседателот на ДУИ Ахмети ја информирал претседателката Османи за последната иницијатива во која се вклучени сите политички и општествени актери во државата.
![Ахмети - претседателката на Република Косово, Вјоса Османи 1](/articles/images/претседателотнадуиахметиостварисредбасопретседателкатанакосовGDzMI/fgsnEQ1Yf/placeholder.webp?use_watermark=0)
Двајцата соговорници оцениле дека Република Северна Македонија и Република Косово мора заедно да го забрзаат чекорот кон Европа, како единствена алтернатива за целиот регион на Западен Балкан.
![Ахмети - претседателката на Република Косово, Вјоса Османи 2](/articles/images/претседателотнадуиахметиостварисредбасопретседателкатанакосовie5fw/8aM1H4DTC/placeholder.webp?use_watermark=0)
- Ахмети го изрази својот став и поддршка за успешно завршување на дијалогот и меѓусебното признавање меѓу Косово и Србија, соопштија од ДУИ. цр/сп/
Фото: ДУИ