Претпладне облачно, попладне со врнежи од дожд, на планините од снег
- Времето во земјава претпладне ќе биде прoменливо облачно, попладне почнувајќи од запад ќе започнат врнежи од дожд, на планините од снег. Во вечерните и ноќните часови врнежите ќе се прошират
![Претпладне облачно, попладне со врнежи од дожд, на планините од снег](https://new.mia.mk/index.php/images/20221105190656_big_730x400_35.webp )
Скопје, 24 јануари 2021 (МИА) – Времето во земјава претпладне ќе биде прoменливо облачно, попладне почнувајќи од запад ќе започнат врнежи од дожд, на планините од снег. Во вечерните и ноќните часови врнежите ќе се прошират на секаде и ќе се интензивираат, особено во западните делови каде на места ќе бидат поројни и проследени со силен југозападен ветер. На планините снежната покривка значително ќе се зголеми, а поради ветерот ќе има услови за појава на снежни наноси.
Утринската температура ќе се движи од 2 до 8, а дневната од 7 до 14 степени.
Во Скопје, прoменливо облачно, кон крајот на денот и во текот на ноќта со врнежи од дожд кои повремено ќе бидат со умерен интензитет. Ќе дува умерен до засилен ветер од југоисточен правец. Утринската температура ќе се спушти до 3, а дневната ќе достигне до 10 степени.
Во понеделник во текот на денот ќе преовладува сончево време со умерена облачност и со умерен до засилен југозападен ветер. Кон крајот на денот и во текот на ноќта ќе има врнежи од дожд, на планините од снег, пообилни во западните делови. Поради продор на студена воздушна маса врнежите ќе преминат во снег и на некои од повисоките места. Снежната покривка дополнително ќе се зголеми, а поради засилениот ветер ќе има услови за појава на снежни наноси. Во вторник и среда ќе преовладува студено време со засилен северозападен ветер и со повремени врнежи претежно од снег.