Премиерот Ковачевски присуствуваше на отворањето на Генералното собрание на ООН во Њујорк
- Премиерот Димитар Ковачевски, кој предводи Владина делегација во Њујорк, денеска присуствуваше на отворањето на 77-то Генерално собрание на Обединетите нации, чија годишна генерална дебата е
![Премиерот Ковачевски присуствуваше на отворањето на Генералното собрание на ООН во Њујорк](https://new.mia.mk/index.php/images/20221113224016_big_730x400_9.webp )
Скопје, 20 септември 2022 (МИА) - Премиерот Димитар Ковачевски, кој предводи владина делегација во Њујорк, денеска присуствуваше на отворањето на 77-то Генерално собрание на Обединетите нации, чија годишна генерална дебата е посветена на тема „Tрансформативни решенија на испреплетени предизвици“, со фокус на решенијата кои земјите ќе ги изнајдат преку солидарност, одржливост и наука.
Ковачевски во рамките на посетата на Њујорк ќе има и неколку билатерални средби и предавање на Универзитетот Колумбија.
Владината делегација во Њујорк ја сочинуваат министерот за надворешни работи Бујар Османи, постојаниот претставник на земјава при Обединетите нации во Њујорк, Љубомир Фрчковски и советник за надворешни работи на премиерот Едмонд Адеми.
- Генералната дебата ја отвори генералниот секретар на ООН Антонио Гутереш во присуство на лидерите и делегатите од земјите членки на Организацијата на Обединетите нации. Главен фокус на отворањето беше позицијата и повикот за заедничкото делување и дијалог како единствениот начин кој ќе овозможи развој. Воедно, беше посочено дека ниту еден глобален предизвик, не може да се реши без здружени напори на сите земји и чинители, соопштија од Влада.
Од владината прес-служба информираа дека покрај присуството на генералната дебата на Генералното собрание на ООН, денеска попладне премиерот, заедно со останатите негови колеги од земјите од Западен Балкан ќе присуствува и на работен ручек, организиран од високиот претставник на Европската Унија за надворешна политика и безбедност и потпретседател на Европската комисија, Жозеп Борел.
За утре е предвидено претседателот на Владата Димитар Ковачевски да се обрати на состанок по повод 30 години од Декларација за малцинските права, а на 24 септември ќе говори на Генералната дебата на Генералното собрание на ОН. см/сп/
https://www.youtube.com/watch?v=cnABDw_zEy4
![ОН](/articles/images/%d0%bf%d1%80%d0%b5%d0%bc%d0%b8%d0%b5%d1%80%d0%be%d1%82-%d0%ba%d0%be%d0/4iG3LrsAe/placeholder.webp?use_watermark=0)