Прекини на летовите на Сицилија поради ерупцијата на Етна
- Како резултат на утринската вулканска активност, кризниот штаб нареди затворање на секторот Б1 и намалување на бројот на пристигнувања на шест летови на час, соопштија од Аеродромот Катанија.
![Прекини на летовите на Сицилија поради ерупцијата на Етна](https://new.mia.mk/index.php/images/20240804200855_big_730x400_58.webp )
Рим, 4 август 2024 (МИА) - Главниот аеродром на италијанскиот остров Сицилија денеска ги запре летовите поради вулканската активност на планината Етна.
Како резултат на утринската вулканска активност, кризниот штаб нареди затворање на секторот Б1 и намалување на бројот на пристигнувања на шест летови на час, соопштија од Аеродромот Катанија.
Етна, еден од активните вулкани во јужна Италија, кој се наоѓа на островот Сицилија и чија висина изнесува околу 3.030 метри, повторно исфрла пепел и лава. Вулканската активност е забележана во чести интервали од почетокот на јули. ссм/
фото: архива