Превентивни активности на МВР во Битола Македонски Брод и Демир Хисар во рамки на кампањата „Кажи не на дрогата, да на животот“
- Полициски службеници од повеќе организациони единици од Секторите за внатрешни работи Битола и Штип вчера реализираа превентивни активности на теми кои како таргет групи ги имаа возачите и децата од основните училишта.
![Превентивни активности на МВР во Битола Македонски Брод и Демир Хисар во рамки на кампањата „Кажи не на дрогата, да на животот“](https://new.mia.mk/index.php/images/20231115081203_big_730x400_71.webp )
Скопје, 15 ноември 2023 (МИА) - Полициски службеници од повеќе организациони единици од Секторите за внатрешни работи Битола и Штип вчера реализираа превентивни активности на теми кои како таргет групи ги имаа возачите и децата од основните училишта.
Како што соопшти МВР, во рамки на СВР Битола во неколку училишта на подрачјето на Битола, Македонски Брод и Демир Хисар беа реализирани превентивни едукативни работилници под мотото „Кажи не на дрогата, да на животот“, а дополнително внимание се посвети и на злоупотребите преку социјалните мрежи.
На подрачјетона СВР Штип, пак, на повеќе патни правци во и околу Штип, Пробиштип и Кочани беа спроведени активности во пресрет на почетокот на сезоната на задолжително носење зимска опрема во возилата која што започнува од денеска и ќе трае до 15 март 2024 година. вг/
Фото: МВР