Превентивни активности на МВР во Битола и во Штип
- Повеќе превентивни активности беа реализирани во текот на вчерашниот ден на подрачјето на секторите за внатрешни работи Битола и Штип, информира МВР.
![Превентивни активности на МВР во Битола и во Штип](https://new.mia.mk/index.php/images/20231027083114_big_730x400_9.webp )
Скопје, 27 октомври 2023 (МИА) - Повеќе превентивни активности беа реализирани во текот на вчерашниот ден на подрачјето на секторите за внатрешни работи Битола и Штип, информира МВР.
Во средно училиште во Битола беше спроведено едукативно предавање на тема „Кажи не на дрогата, да на животот“.
На подрачјето на Битола беше спроведена и активност од областа на сообраќајот „Вози одговорно, стави појас“, а на подрачје на ПО Новаци се реализираше едукативно-превентивна активност „Сигурноста и безбедноста на граѓаните - наша обврска“.
На подрачје на СВР Штип, односно на подрачје на Кочани и Берово беа спроведени превентивни активности на тема заштита од имотни деликти.
- На граѓаните им беа дадени совети за заштита од кражби, измами и разбојништва, информира МВР.
Во текот на вчерашниот ден во Пробиштип беше спроведена превентивна активност од областа на безбедноста на сообраќајот на патиштата под мотото „Стави појас“. мд/
Фото: МВР