Прв случај на ширење на коронавирусот од човек на човек во САД
- Во САД е регистриран првиот случај на ширење на коронавирусот со пренесување од човек на човек, соопшти денеска американскиот Центар за контрола и превенција на болести.
![Прв случај на ширење на коронавирусот од човек на човек во САД](https://new.mia.mk/index.php/images/20221102171822_big_730x400_50.webp )
Вашингтон, 30 јануари 2020 (МИА) - Во САД е регистриран првиот случај на ширење на коронавирусот со пренесување од човек на човек, соопшти денеска американскиот Центар за контрола и превенција на болести.
Случајот е откриен во американската сојузна држава Илиноис.
Со тоа бројот на заразени од епидемијата во САД се зголеми на шест лица.
Коронавирусот е откриен кај сопругот на една жена која патувала во Кина и е, исто така, заразена. Двајцата пациента се на околу 60-годишна возраст. гт/