Прво место за основците од Жировница на иновацискиот предизвик организиран од НЛБ банка
- Учениците од Општинското основно училиште „Јосип Броз Тито“ од долнореканското село Жировница го освоија првото место на иновацискиот предизвик организиран од НЛБ банка.
![Прво место за основците од Жировница на иновацискиот предизвик организиран од НЛБ банка](https://new.mia.mk/index.php/images/20221114020126_big_730x400_85.webp )
Дебар, 1 ноември 2022 (МИА) - Учениците од Општинското основно училиште „Јосип Броз Тито“ од долнореканското село Жировница го освоија првото место на иновацискиот предизвик организиран од НЛБ банка.
- Уште еднаш успешно го оправдавме епитетот најдобри! Тукушто сме информирани дека на иновацискиот предизвик организиран од НЛБ банка за основни училишта на тема: ,,Изум кој ќе го направи светот подобро место за живеење" нашето училиште освои прво место, стои во синоќешната објава на училиштето.
![ученици од Жировница](/articles/images/%d0%bf%d1%80%d0%b2%d0%be-%d0%bc%d0%b5%d1%81%d1%82%d0%be-%d0%b7%d0%b0-%/mEENHFtsu/placeholder.webp?use_watermark=0)
Учениците со помош на нивните наставници изработија робот кој паметно ќе ја чисти и чува животната средина, односно ќе собира отпад за рециклирање.
- На овој конкурс, идејата на нашите ученици, беше наградена со грант од 3000 евра. Благодарност до учениците и колективот кои го реализираа овој проект, пишува во објавата на управата на училиштето.
Споделувајќи ја објавата за овој голем успех градоначалникот на општина Маврово и Ростуше Медат Куртовски упатува честитки со ветување дека и понатаму како локална самоуправа ќе продолжат со поддршката за сите училишта и талентирани млади. вт/мд/