Прва победа за македонската репрезентација на СП во ракомет
- Македонската ракометна репрезентација со победа ги почна настапите во Президент купот.на Светското првенство 2023. Попладнево во Плоцк совладан е Алжир со 40:25.
![Прва победа за македонската репрезентација на СП во ракомет](https://new.mia.mk/index.php/images/20230119170422_big_730x400_13.webp )
Плоцк, 19 јануари 2023 (МИА) – Македонската ракометна репрезентација со победа ги почна настапите во Президент купот.на Светското првенство 2023. Попладнево во Плоцк совладан е Алжир со 40:25.
Ова беше прв натпревар за „црвено-жолтите“ во Групата-2 за пласман од 25 – 32. место.
По трите убедливи порази во Ф-групата, избраниците на селекторот Кирил Лазаров, денес одиграа добар натпревар без оглед на противникот кој не е на ниво на Норвешка, Холандија или Аргентина. Кај македонските ракометари видлива беше желбата за добар резултат и одлучноста да се покаже дека во овој тим сепак има потенцијал за повисок дострел.
Најефикасни во победничкиот состав со по седум голови беа Дејан Манасков и Жарко Пешевски.
Во вториот меч од оваа група од 18 часот се среќаваат Тунис и Мароко.
Денешниот распоред на Мундијалот 2023 Полска/Шведска ги содржи натпреварите од Главната групна фаза играат:
Катар – Холандија 30:32
САД – Бахреин 27:32
Египет – Белгија (18:00)
Германија – Аргентина (18:00)
Данска – Хрватска (20:30)
Норвешка – Србија (20:30). зс/