По Бон, Османи отпатува и во Берн, каде се става во функција дополнителен пункт за патни исправи
- Министерот за надворешни работи Бујар Османи, денеска престојува во Берн, Швајцарија, каде што во Амбасадата на РСМ донесе дополнителна мобилна станица за фотографирање, за да се забрза процесот на издавање на парни исправи на нашите државјани, информираат од МНР.
![По Бон, Османи отпатува и во Берн, каде се става во функција дополнителен пункт за патни исправи](https://new.mia.mk/index.php/images/20240218123934_big_730x400_58.webp )
Скопје, 18 февруари 2024 (МИА) - Министерот за надворешни работи Бујар Османи, денеска престојува во Берн, Швајцарија, каде што во Амбасадата на РСМ донесе дополнителна мобилна станица за фотографирање, за да се забрза процесот на издавање на парни исправи на нашите државјани, информираат од МНР.
Дополнителна мобилна станица за фотографирање, Османи вчера однесе во конзуларното одделение во Бон, Германија.
Во Амбасадата во Берн, покрај другите конзуларни услуги за нашите државјани, преку базната станица се врши фотографирање и земање на биометриски податоци за издавање на патни исправи, а од денеска паралелно со базната станица се става во функција и дополнителна мобилна станица.
- Дојдов овде за да ги охрабрам дипломатите кои им служат на околу 300 наши државјани дневно, но и да гледам како тече процесот на издавање на нови патни исправи. Донесов уште една мобилна станица за фотографирање, што значи дека и овде во Берн работиме со два пункта паралелно, што значи два тима паралелно фотографираат и врачуваат нови патни исправи, истакна Османи.
Од МНР посочуваат дека Амбасадата во Берн e една од најоптеретените амбасади во Европа во кои има базна станица. Како и во нашите дипломатско-конзуларни претставништва во Брисел, Бон и Берлин, и Амбасадата во Берн ја реорганизираше својата работа во конзуларниот дел со цел да се скрати времето на давање услуги и нашите граѓани во најбрз можен рок да се снабдат со документи за патување.
- Предизвиците продолжуваат секаде поради вонредната ситуација. Олеснувачки фактор претставува одлуката на Швајцарија да им дозволи на нашите државјани патување и со старите патни исправи. Како и да е, сме се реорганизирале со дополнителни дипломати, работа во две смени и работа за време на викенд, заклучи министерот.
Во продолжение на серијата посети на дипломатско-конзуларни претставништва на Република Северна Македонија со значително зголемен обем на конзуларна работа, Османи од Швајцарија, Османи продолжува за претставништвото во Венеција, со цел запознавање од блиску со ситуацијата и спроведување на реорганизацијата за да им се излезе во пресрет на интересите на нашите државјани во Италија. ир/ев/
Фото: МНР