Почнува Европското одбојкарско првенство за јуниорки во Скопје
- Одбојкарската федерација на Македонија (ОФМ) од денеска до 4 септември е домаќин во Скопје на Европското првенство до 19 години во женска конкуренција.
![Почнува Европското одбојкарско првенство за јуниорки во Скопје](https://new.mia.mk/index.php/images/20221113205143_big_730x400_82.webp )
Скопје, 27 август 2022 (МИА) - Одбојкарската федерација на Македонија (ОФМ) од денеска до 4 септември во Скопје е домаќин на Европското првенство до 19 години во женска конкуренција.
Македонската јуниорска женска одбојкарска репрезентација ќе игра во групата А заедно со Финска, Грција, Италија, Полска и Словенија.
Прв противник на македонските одбојкарки вечерва со почеток во 20:30 часот ќе биде репрезентацијата на Финска.
Сите натпревари во рамки на групата А ќе се играат во СЦ „Борис Трајковски“.
Групата Б ја сочинуваат Хрватска, Романија, Србија, Швајцарија, Холандија и Турција, кои своите натпревари ќе ги играат во СЦ „Јане Сандански“. ег/ки/