Почна јубилејното 40. издание на Скопскиот џез фестивал
- Во Националната опера и балет вечерва започна јубилејното 40-то издание на Скопје џез фестивалот.
![Почна јубилејното 40. издание на Скопскиот џез фестивал](https://new.mia.mk/index.php/images/20221108204741_big_730x400_61.webp )
Скопје, 20 октомври 2021 (МИА) - Во Националната опера и балет вечерва започна јубилејното 40-то издание на Скопскиот џез фестивал со соло рецитал на саксофони на супер-херојот на скандинавската џез сцена, Матс Густафсон од Шведкса.
Веднаш по Густафсон ќе настапи новата колема ѕвезда на џезот, басистката Линда Меј Хан О од САД.
Овогодишниот Скопје џез фестивал изобилува со богата програма, а во пресрет на јубилејот организиран е специјалниот проект „Ну Мјузик 4“ посветен на џез-легендата Дон Чери, со Кристер Ботен, Горан Кајфеш, Матс Густафсон и Окај Темиз, како и настапот на проширениот ансамбл на нашиот композитор и мултиинструменталист Јордан Костов.
Скопје џез фестивалот ќе трае од 20 до 24 октомври во салите на Националната опера и балет и Кино Фросина во Младинскиот културен центар, каде над единаесет познати изведувачи од Северна Македонија, Европа, Куба и САД ќе одржат концерти во живо. ки/сп/
![](/articles/images/%d0%bf%d0%be%d1%87%d0%bd%d0%b0-%d1%98%d1%83%d0%b1%d0%b8%d0%bb%d0%b5%d1/GPuCfKaWF/placeholder.webp?use_watermark=0)
![](/articles/images/%d0%bf%d0%be%d1%87%d0%bd%d0%b0-%d1%98%d1%83%d0%b1%d0%b8%d0%bb%d0%b5%d1/BXc81mE3v/placeholder.webp?use_watermark=0)