Почна крпење на ударни дупки на улици во Неготино
- Од денеска на терен започнаа градежни активности за крпење на ударни дупки на над 10 улици во градот, меѓу кои и главните „Маршал Тито" и „Партизанска", како и други кај кои се констатирани оштетувања и е потребна санација. За ова денеска информираа од службата за односи со јавноста при неготинската локална самоуправа.
![Почна крпење на ударни дупки на улици во Неготино](https://new.mia.mk/index.php/images/20240222135732_big_730x400_48.webp )
Неготино, 22 февруари 2024 (МИА) - Од денеска на терен започнаа градежни активности за крпење на ударни дупки на над 10 улици во градот, меѓу кои и главните „Маршал Тито" и „Партизанска", како и други кај кои се констатирани оштетувања и е потребна санација. За ова денеска информираа од службата за односи со јавноста при неготинската локална самоуправа.
-Со санацијата се врши крпење на ударни дупки, вдлабнатини, пукнатини и други оштетувања на коловозот со замена на коловозната покривка (засторот) на места каде што истиот е оштетен, како и замена на горниот слој на места каде што улиците се оштетени, појаснија од прес службата при Општината.
Оттаму апелираа до моторизираните граѓани и пешаците, на внимателно движење за време одвивањето на градежните работи, за крпење на ударните дупки на улици во Неготино. свд/сст/
Фото : Општина Неготино