Почина 13-годишно момче кое беше меѓу повредените во нападот со мачета во Лондон
Лондон, 30 април 2024 (МИА) - Во болница во Лондон почина 13-годишно момче кое беше меѓу петтемина повредени кои изутрината беа нападнати од маж со мачета во источниот дел на градот.
Ова го соопшти полицијата која го уапсила напаѓачот и засега ја отфрли можноста да се работи за терористички чин.
Еден сведок изјави дека напаѓачот неколку пати и викал на полицијата: „Верувате ли во Господ?“.
Останатите четворица повредени од кои двајца полицајци, не се во животна опасност, а во болница останале само двајца.
Полицијата била повикана во североисточниот дел на Лондон околу 7:00 часот, каде граѓаните пријавиле напад и набрзо уапсила 36-годишен маж со мачета, кој очигледно дејствувал сам.
Британскиот премиерот Риши Сунак го осуди нападот. рп/
Фото: МИА архива
