Почина светскиот рекордер во фрлање кладиво Јуриј Седих
- Сопственикот на најдобриот резултат на сите времиња во фрлање кладиво, Русинот Јуриј Седих, почина на 66-годишна возраст поради проблеми со срцето, соопшти денеска Атлетската федерација на Ру
![Почина светскиот рекордер во фрлање кладиво Јуриј Седих](https://new.mia.mk/index.php/images/20221108162550_big_730x400_18.webp )
Париз, 14 септември 2021 (МИА) – Сопственикот на најдобриот резултат на сите времиња во фрлање кладиво, Русинот Јуриј Седих, почина на 66-годишна возраст поради проблеми со срцето, соопшти денеска Атлетската федерација на Русија.
Роден во руското гратче Новочеркаск во 1955 година, Седих на рана возраст се пресели во Украина, а по распадот на Советскиот сојуз живееше во Франција.
Во исклучително успешната кариера, Седих освои две златни и еден сребрен олимписки медал, а беше и светски првак и трикратен европски шампион.
Неговото постигнување од Штутгарт 1986 година (86.74 метри) и натаму е светски рекорд во дисциплината фрлање кладиво. ег/паг/