Рим, 1 јyли 2024 (МИА) - Италијанската актерка Марија Росарија Омаџо почина денеска во Рим на 67-годишна возраст, по долго боледување, соопшти нејзиното семејство.

Родена во Неапол, познатата глумица беше прославена и во Италија и во светот поради нејзината разновидна кариера. Имено, Омаџо се појави во повеќе од 40 филмски и ТВ-продукции, вклучувајќи го и „До Рим, со љубов“ на американскиот режисер Вуди Ален.

Таа доби награда и на Филмскиот фестивал во Венеција за нејзиното отелотворување на италијанската новинарка Оријана Фалачи (1929 - 2006) во филмот „Валена - човек на надежта“ на Анджеј Вајда од 2013 година за полскиот синдикален лидер Лех Валенса, кој подоцна стана и претседател на Полска.

Покрај нејзината филмската, телевизика и театарка кариера, Омаџо служеше како посветен амбасадор на Детскиот фонд на Обединетите нации (УНИЦЕФ).  си/сд/

Фото: ЕПА