Почина глумецот Вили Гарсон
- Вили Гарсон, познат по улогите во телевизиските серии „Сексот и градот“ (1998-2004) и „Пријатели“ (1994-2004), почина на 57-годишна возраст.
![Почина глумецот Вили Гарсон](https://new.mia.mk/index.php/images/20221108165645_big_730x400_63.webp )
Лос Анџелес, 22 септември 2021 (МИА) - Американскиот глумец Вилијам - Вили Гарсон, познат по улогите во телевизиските серии „Сексот и градот“ (1998-2004) и „Пријатели“ (1994-2004), почина на 57-годишна возраст. Ова го објави неговиот син Нејтан Гарсон на Инстаграм.
„Почивај во мир, тато. Мило ми е што сподели толку патешествија со мене и успеа да постигнеш толку многу“, напиша тој.
Глумецот боледуваше од рак на панкреасот.
Tој инаку, имаше улоги и во „Класични злосторства“ и „Да се биде Џон Малкович“ и во околу 170 разни други филмски и ТВ-проекти. си/сд/