Почина гитаристот Џеф Бек
- Овој музичар има освоено осум од американскитте музички награди „Греми“, а многумина го сметаат за гитаристички виртуоз и гениј во областа на рокенролот, блузот и џезот. Тој, инаку, свиреше в
![Почина гитаристот Џеф Бек](https://new.mia.mk/index.php/images/20230112085606_big_730x400_67.webp )
Лондон, 12 јануари 2023 (МИА) - Британскиот гитарист Џеф Бек почина од менингитис на 79-годишна возраст, како што е објавено синоќа на неговата интернет-страница.
„Тој почина во вторникот откако ненадејно заболе од бактериски менингитис“, се вели во објавата.
Џеф Бек е роден во јуни 1944 година во предградие на Лондон. Овој музичар има освоено осум од американскитте музички награди „Греми“, а многумина го сметаат за гитаристички виртуоз и гениј во областа на рокенролот, блузот и џезот. Тој, инаку, свиреше во бендот „Јардбрдс“ (YardBirds), заедно со Џими Пејџ и Ерик Клептон.
На веста за неговата смрт реагираа и големи светски музичари. Мик Џегер, на пр., на Твитер напиша дека починал „прекрасен човек и еден од најголемите гитаристи во светот“.
„Никој не свиреше на гитара како Џеф“, се осврна Џин Симонс од хард-рок составот „Кис“.
Британскиот хеви-метал пејач Ози Озборн изјави дека имал „неверојатна чест“ да работи со Бек. си/