Белград, 14 јануари 2025 (МИА) - Посетите на хоспитализирани пациенти се забранети во сите клиники на Универзитетскиот клинички центар на Србија во Белград со цел да се спречи и контролира ширењето на респираторните инфекции, соопшти здравствената установа.

Одлуката за забрана на посети ја донесе вчера Централната комисија за болнички инфекции на Универзитетскиот клинички центар на Србија, пренесе Бета.

-Поради превенција, се наредува зголемен епидемиолошки надзор на хоспитализирани пациенти со знаци и симптоми на респираторна инфекција, како и тестирање на пациенти со знаци и симптоми на респираторна инфекција и изолација на позитивни/сомнителни хоспитализирани пациенти со знаци и симптоми на респираторна инфекција кај пациенти „во согласност со консултациите на епидемиолозите“, се вели во соопштението. мс/

фото: МИА архива