Посебен сообраќаен режим утре кон гробиштата Бутел поради Задушница
- Министерството за внатрешни работи ги известува граѓаните дека утре (сабота) поради верскиот празник Задушница ќе бидат преземени мерки за посебен режим на сообраќај.
![Посебен сообраќаен режим утре кон гробиштата Бутел поради Задушница](https://new.mia.mk/index.php/images/20240308132409_big_730x400_76.webp )
Скопје, 8 март 2024 (МИА) - Министерството за внатрешни работи ги известува граѓаните дека утре (сабота) поради верскиот празник Задушница ќе бидат преземени мерки за посебен режим на сообраќај.
Од 6.00 часот сообраќајот кон Градските гробишта „Бутел“ ќе се одвива во една насока (кружно), односно сите возила ќе се упатат по ул.„Бутелска“, лево по ул.„Александар Урдаревски“, лево по ул.„Боца Иванова“ и десно до влезот на гробишта „Бутел“.
За излез од гробишта, пак, возилата ќе се движат десно по ул.„Боца Иванова“, до кружниот тек на ул.„Бутелска“, па лево по ул.„Бутелска“ и десно по ул.„Кемал Сејфула“.
Посебен режим на сообраќај ќе се воведе и во околината на гробиштата Камник и Ѓорче Петров.
-СВР Скопје апелира до граѓаните да ги почитуваат наредбите што ги издаваат полициските службеници, се наведува во известувањето на МВР. хс/дма/
Фото: МИА архива