Лондон, 17 јули 2020 (МИА) - Поранешната сопруга на Џони Деп, Ванеса Паради и неговата поранешна девојка Винона Рајдер во Врховниот суд во Лондон, Англија, сведочеа дека тој не е човек што би удрил жена. Во таа смисла, обвинувањата на Амбер Хард, исто така негова поранешна сопруга, според Паради, „воопшто не личат на вистинскиот Џони“, како што таа рече. - Гледам дека овие безобразни изјави биле навистина вознемирувачки. А, исто така, навеле и штета на неговата кариера затоа што, за жал, луѓето поверувале во тие лажни сведочења, изјави Паради. Рајдер, која беше свршена со Деп во раните 1990-ти, рече дека не може да си го замисли во главата таков, па сѐ тоа ја прави вџашена и збунета. - Замислата дека тој бил така насилна личност е многу далеку од оној Џони што го познавав и го сакав. Не сакам никого да наречам лажга, но од моето искуство со Џони, невозможно е да се верува дека ваквите грозни обвинувања се вистинити!, изјави Рајдер. Телохранителот на Деп, Шон Бет претходно сведочеше дека во 2016 година, на 30-от роденден на Хард, таа го удрила глумецот и тој го пренел во друга негова куќа. Телохранителот понуди и слика како доказ за тоа, но на неа немало видливи повреди кај Деп, а не можело ниту да се докаже нејзината веродостојност. Сведочењето на Амбер Хард се очекува следната седмица.