Барселона, 19 јули 2023 (МИА) - Каталонската полиција го сомничи поранешниот претседател на Барселона, Жозеп Бартомеу за проневера на парите на клубот, објави „Cadena SER“.

Шеесетгодишниот шпански стручњак го искористил договорот на Барселона со „Амалгама Маркетинг“ за да изврши плаќања за лични цели. Оваа организација работеше на изборната кампања на самиот Бартомеу. Покрај тоа, сопственикот на компанијата, Микел Самболе, беше вклучен во уривањето на еден од стадионите на тимот на „Мини Естади“. За ова организацијата доби 1,5 милиони евра од Барселона.

Исто така, дел од парите им биле дадени на новинарите во замена за позитивни критики за Бартомеу и Барселона.

Бартомеу наводно сè уште не е обвинет за корупција додека истрагата продолжува.

Претходно обвинителството на Барселона поднесе тужба против клубот и неговите поранешни претседатели Жозеп Бартомеу и Сандро Росел во случај на можна корупција при плаќањата на поранешниот потпретседател на техничкиот судиски комитет, Хозе Марија Хенрикес Негреира.

Бартомеу беше прв човек на каталонската фудбалска гордост од 2014 до 2020 година. зс/

Фото: ЕПА