Порази на Работнички и Феникс во квалификациите за ФИБА Евро купот
- Македонските претставници во квалификациите за ФИБА Евро купот вечерва забележаа порази.
![Порази на Работнички и Феникс во квалификациите за ФИБА Евро купот](https://new.mia.mk/index.php/images/20231003223813_big_730x400_98.webp )
Скопје, 3 октомври 2023 (МИА) – Македонските претставници во квалификациите за ФИБА Евро купот вечерва забележаа порази.
Прво Феникс со убедливи 107:60 загуби од домаќинот Керавнос на турнирот во Кипар, а доцна вечерва Работнички во СРЦ „Кале“ во Скопје во драматична завршница е поразен од Сабах (Азербејџан) со 83:81.
По овие порази, Феникс остана само со теоретски шанси за освојување на првото место во Е-групата, додека за Работнички нема ни теорија да ги помини квалификациите.
Табела Е-група: Керавнос 1-0 (победи-порази), Рошток (0-0), Феникс (0-1).
Табела А-група: Рапид Букурешт (2-0), Сабах (2-0), Гронинген (0-2), Работнички (0-2).
Во последното коло на турнирот во Скопје, Работнички в четврток ќе се сретне со Гронинген, додека во Никозија, Феникс утре ќе игра со Рошток. зс/
Фото: МИА