Поради снег во јужниот дел на Бугарија прогласена вонредна состојба
- Поради обилни снежни врнежи во општината Рудозем на Родопските Планини, во јужниот дел на Бугарија, денеска е прогласена вонредна состојба.
![Поради снег во јужниот дел на Бугарија прогласена вонредна состојба](https://new.mia.mk/index.php/images/20221103180729_big_730x400_72.webp )
Софија, 5 април 2020 (МИА) - Поради обилни снежни врнежи во општината Рудозем на Родопските Планини, во јужниот дел на Бугарија, денеска е прогласена вонредна состојба.
Сообраќајот е во прекин, а селата се целосно блокирани и нема пристап до нив. На некои места висината на снегот достигна и до еден метар.
Тешкиот и влажен снег предизвика лизгање на земјиштето на патиштата, а во прекин е и снабдувањето со електрична енергија.
Речиси цел ден волонтери ги отстрануваат паднатите дрвја од улиците. гт/