Поради силна снежна бура парализиран североисточниот дел од САД
- Околу 70 милиони Американци беа погодени од „историска“ снежна бура во североисточниот дел на САД денеска каде силниот ветер го запре сообраќајот
![Поради силна снежна бура парализиран североисточниот дел од САД](https://new.mia.mk/index.php/images/20221112035938_big_730x400_48.webp )
Њујорк, 29 јануари 2022 (МИА) - Околу 70 милиони Американци беа погодени од „историска“ снежна бура во североисточниот дел на САД денеска каде силниот ветер го запре сообраќајот и уби возач на автомобил во северниот дел на Њујорк.
Во Њујорк има дваесетина сантиметри снег, а низ улиците дува невообичаено силен ветер.
Градоначалникот на Њујорк, Ерик Адамс, ги повика сограѓаните да останат дома.
Во сојузните држави Њујорк и Њу Џерси е прогласена вонредна состојба, а гувернерката на Њујорк Кети Хочул ги повика жителите да не излегуваат без потребанепотребно и да ги полнат резервоарите на автомобилите со гориво и да обезбедат залихи со вода и ќебиња.
На северот на метрополата Њујорк, на Лонг Ајленд, веќе има 25 сантиметри снег. Регионалните железнички линии беа делумно отсечени, а една жена беше пронајдена мртва во нејзиниот автомобил, објавија локалните медиуми.
Националната метеоролошка служба најави удари на ветер од 80 до 120 км/ч и предупреди на „речиси невозможни сообраќајни услови“ во североисточниот дел на САД.
Тие исто така, предвидуваат поларни температури од денеска навечер до недела.
Околу 3.500 летови за пристигнување и полетување беа откажани денеска и 700 за недела.
Тоа е втора снежна бура годинава на североисточниот дел на САД, по онаа на почетокот на јануари кога беше зафатена областа од Џорџија па се до Квебек. зш/
https://www.youtube.com/watch?v=oWGZKGSjp9I