Поради војната во Украина, пиварите од Баварија речиси и да не испорачуваат пиво во Русија
- За пиварите, запрен извоз во Русија е посебен проблем затоа што земјата, по Италија, е најголема извозна дестинација за пиво од Баварија
![Поради војната во Украина, пиварите од Баварија речиси и да не испорачуваат пиво во Русија](https://new.mia.mk/index.php/images/20221113203331_big_730x400_83.webp )
Берлин, 23 август 2022 (МИА) - Пиварите од германската покраина Баварија, поради војната во Украина, речиси и да не испорачуваат пиво во Русија.
Според податоците на Баварската земјоделска асоцијација, извозот на пиво во Русија речиси е целосно запрен.
Портпаролот Лотар Еберц за „Билд“ информираше оти во јануари извезени се околу 77.477, а во февруари 78.797 хектолитри пиво во Русија.
- По почетокот на војната во Украина, значително опадна извозот на пиво во Русија. Во март на околу 47.313, а во јуни на 23.249 хектолитри, наведе Еберц.
За пиварите, запрен извоз во Русија е посебен проблем затоа што таа држава, по Италија, е најголема извозна дестинација за пиво од Баварија.
Минатата година Баварија извезе околу 950.000 хектолитри пиво во Русија. бд/зш/