Понеделник и вторник со умерени температури, од среда температурите ќе бидат во постепен пораст
- Времето до крајот на денот ќе биде сончево со мала до умерена облачност. Ќе дува слаб до умерен северозападен, а во западните делови наместа повремено засилен ветер од западен правец.
![Понеделник и вторник со умерени температури, од среда температурите ќе бидат во постепен пораст](https://new.mia.mk/index.php/images/20230806181105_big_730x400_30.webp )
Скопје, 6 август 2023 (МИА) - Времето до крајот на денот ќе биде сончево со мала до умерена облачност. Ќе дува слаб до умерен северозападен, а во западните делови наместа повремено засилен ветер од западен правец.
Најтопло денеска беше во Гевгелија каде се измерени 34 степени, 32 во Велес, Демир Капија, Кавадарци, Петровец и Битола, додека во текот на денот најниска беше температурата на Попова Шапка и Лазарополе, каде се измерени 16 степени. Во Скопје температурата беше 29 степени.
Времето утре ќе биде сончево со мала до умерена локална облачност, попладне претежно во северните делови ќе има услови за локален слаб дожд. Ќе дува умерен ветер од западен и северозападен правец. Минималната температура ќе биде во интервал од 11 до 18, а максималната ќе достигне од 26 до 33 степени. УВ индексот ќе биде 8.
Во Скопје времето ќе биде сончево со мала до умерена облачност, а попладне во делови од котлината ќе има услови за слаб дожд. Ќе дува слаб до умерен ветер од северен правец. Минималната температура ќе се спушти до 15, а максималната ќе достигне до 30 степени.
Од вторник следува период на стабилно и посвежо време со пониски утрински температури, а дневните од среда ќе бидат во постепен пораст. Во вторник ќе дува умерен, повремено засилен ветер од северен правец. ев/