Покетино кандидат за тренерската позиција во Милан
- Тренерот на Челзи, Маурисио Покетино може да го смени клубот на лето.
![Покетино кандидат за тренерската позиција во Милан](https://new.mia.mk/index.php/images/20240513080858_big_730x400_94.webp )
Рим, 13 мај 2024 (МИА) - Тренерот на Челзи, Маурисио Покетино може да го смени клубот на лето.
Според „La Repubblica“, Милан е заинтересиран за 52-годишниот Аргентинец. Забележано е дека „росонерите“ го вклучиле фудбалскиот стручњак во листата на кандидати, бидејќи актуелниот тренер Стефано Пиоли најверојатно ќе поднесе оставка.
Покетино е на чело на Челзи од летото 2023 година. Неговиот договор е до крајот на сезоната 2024/25.
„Сините“ од Лондон по 36 кола имаат освоено 57 бодови и се на 7. место на табелата во Премиер лигата. зс/
Фото: ЕПА