Познати сите четвртфиналисти во ракометната Лига на шампиони
- Веспрем синоќа во реваншот од осминафиналето во унгарската пресметка го порази ПИК Сегед со 38-33, потврдувајќи ја убедливата победа од 36-23 од првиот натпревар, додека Гудме во реваншот од данската осминафинална пресметка го победи Алборг со 32-24 и ја надомести негативата од 28-30 од првиот дуел.
![Познати сите четвртфиналисти во ракометната Лига на шампиони](https://new.mia.mk/index.php/images/20230331094210_big_730x400_8.webp )
Веспрем, 31 март 2023 (МИА) – Унгарски Веспрем и дански ГОГ Гудме се последните патници во четвртфиналето во Лигата на шампиони во ракомет.
Веспрем синоќа во реваншот од осминафиналето во унгарската пресметка го порази ПИК Сегед со 38-33, потврдувајќи ја убедливата победа од 36-23 од првиот натпревар, додека Гудме во реваншот од данската осминафинална пресметка го победи Алборг со 32-24 и ја надомести негативата од 28-30 од првиот дуел.
Претходно пласман меѓу осумте најдобри европски ракометни екипи обезбедија Кил, ПСЖ, Барселона, Висла Плок, Магдебург и Киелце.
Четвртфинални двојки се ПСЖ – Кил, Барселона – Гудме, Магдебург – Висла Плок и Киелце – Веспрем.
Првите натпревари се на програмата на 10 и 11 мај, додека реваншите една недела подоцна.
Фајнлфорот ќе се игра на 17 и 18 јули во Келн. ег/сд/