Познати најдобрите вина и ракии од натпреварот во Демир Капија
- Познати се најдобрите вина и ракии од натпреварот кој го организираше општина Демир Капија, во чест на верскиот празник „Свети Трифун", кој се смета за заштитник на лозарите и винарите.
![Познати најдобрите вина и ракии од натпреварот во Демир Капија](https://new.mia.mk/index.php/images/20221112045826_big_730x400_1.webp )
Демир Капија, 11 февруари 2022 (МИА) - Познати се најдобрите вина и ракии од натпреварот кој го организираше општина Демир Капија, во чест на верскиот празник „Свети Трифун", кој се смета за заштитник на лозарите и винарите.
- Стручната комисија енолози, за најдобро вино произведено во домашни услови, го оцени тоа на Бранко Павловски. Второто место му припадна на Димитар Симитчиев, а третото на Дејан Ристов, информираа попладнево од демиркаписката локална самоуправа.
За најдобра беше оценета ракијата на Димитар Симитчиев. На втората позиција се најде ракијата на Лазар Јанакиев, а на третата, ракијата на Кристина Николовска.
Наградите ќе бидат доделени на празникот, в понеделник на 14 февруари. Натпреварот е во рамките на манифестацијата „Недела на традицијата- Свети Трифун 2022“.свд/фф/