Пожарот во Карбинци ставен под контрола
- Пожарот кај Карбинци е ставен под контрола, а на терен се уште се пожарникарите и месното население, кои не дозволуваат да се шири.
![Пожарот во Карбинци ставен под контрола](https://new.mia.mk/index.php/images/20221107234616_big_730x400_62.webp )
Штип, 21 јули 2021 (МИА) - Пожарот кај Карбинци е ставен под контрола, а на терен се уште се пожарникарите и месното население, кои не дозволуваат да се шири.
Изгореа две викенд куќи, пумпна станица за вода за пиење, фотоволатична централа, шумски појаси и околу 100 хектари земјоделско земјиште, за среќа поголемиот дел од житарицата е ожнеана, е исходот од големиот пожар во општина Карбинци.
Од една од викендичките евакуирани се и три лица, меѓу кои мајка на возраст од над 50 години и нејзиниот син со посебни потреби. Од куќата ги извлекле двајца полицајци и месното население, кое веднаш се вклучило во спасување и гаснење на пожарот, а со трактори не дозволиле да се прошират огнените јазици и кон околните викенд куќи.
Градоначалникот на Општиан Карбинци, Јордан Насев кој беше на лице место вели материјалната штета е голема.
- И покрај брзата интервенција од противпожарната единица, коишто со четири возила и дваесеттина пожарникари и месното население беше со земјоделска механизација, меѓутоа не успееја да се спротистават на силниот ветар, којшто се уште беснее и дополнително го отежнува гаснењето на овој пожар, вели Насев.
МИА и претходно информираше дека пожарот почнал во 16 часот. Во првите моменти околу 50 жители од Општина Карбинци се вклучиле во гаснењето на пожарот, а дополнително бројката се зголемила. Насев посочи дека екипите на комуналното претпријатие се на терен, кај премпуните станици и смета дека нема да има проблеми со водоснабдувањето на селата.
Регионалниот патен правец од селото Таринци кон селата Карбинци, Радање и кон планината Плачковица беше затворен за сообраќај, аполицијата се уште е на терен.
Според Насев, засега официјално не се знае кои се причините за големиот пожар, месното население е категорично дека овој пожар не е предизвикан од стрниште, според нив пожарот почнал да се шири во близина на трафостаница на ЕВН. вдј/цр
![thumbnail_IMG_20210721_174600](/articles/images/pozharot-vo-karbinci-staven-pod-kontrola/SdwBjqwMt/placeholder.webp?use_watermark=0)
![thumbnail_IMG_20210721_173437](/articles/images/pozharot-vo-karbinci-staven-pod-kontrola/Rgn1eGQFL/placeholder.webp?use_watermark=0)
![thumbnail_IMG_20210721_174621](/articles/images/pozharot-vo-karbinci-staven-pod-kontrola/ZcsSnGJsp/placeholder.webp?use_watermark=0)