Поевтин нов Ајфон в март
- Гласините и предвидувањата за поевтин Ајфон модел започнаа да се шират лани. Некои од нив потекнаа од познавачот Минг-Чи Куа, кој важи за добар предвидувач кога станува збор за Епл.
![Поевтин нов Ајфон в март](https://new.mia.mk/index.php/images/20221102163825_big_730x400_11.webp )
Лос Анџелес, 22 јануари 2020 (МИА) - Епл наскоро, најверојатно, ќе почне со нови понуди - поевтини Ајфони. Според пишувања на Блумберг, компанијата од Купертино, Калифорнија, САД, ќе почне со составување поевтини модели веќе од февруари.
Според наводите, Епл новиот телефон ќе го претстави в март годинава.
Гласините и предвидувањата за поевтин Ајфон модел започнаа да се шират минатата година. Некои од нив потекнаа од познавачот Минг-Чи Куа, кој важи за добар предвидувач кога станува збор за Епл.
Минг-Чи и Блумберг се согласуваат околу тоа дека поевтиниот паметен телефон ќе наликува на Ајфон 8 и ќе има 4,7-инчен екран, Епл А-13 чипови, кои се наоѓаат и во Ајфон 11 и обична идентификациска опција за вклучување. Односно, нема да може да се отклучува со покажување на лицето на сопственикот.
Во друг напис, Блумберг вели дека Епл неодамна од своите партнери побарал и поголемо производство на А-серија процесорите. си/