Поднесени 23 приговори до ДИК за гласањето и за сумирање на резултатите од изборите

До државната изборна комисија (ДИК) заклучно со вчерашниот ден поднесени се вкупно 23 приговори за постапката за гласање и постапката за сумирање и утврдување на резултатите од вториот круг о

Од Магдалена Ристоманов

10:19, 3 ноември, 2021

Поднесени 23 приговори до ДИК за гласањето и за сумирање на резултатите од изборите

Скопје, 3 ноември 2021 (МИА) - До државната изборна комисија (ДИК) заклучно со вчерашниот ден поднесени се вкупно 23 приговори за постапката за гласање и постапката за сумирање и утврдување на резултатите од вториот круг од локалните избори 2021.

До Комисијата седум приговори поднела политичката партија ТМРО, кои се однесуваат на избирачките места 1156, 1178, 1157, 1182, 1183, 1176 и 1181 во општина Старо Нагоричане.

Седум приговори се од Коалицијата предводена од СДСМ, кои се однесуваат на избирачките места 2966/1 и 2958/1 во општина Шуто Оризари, избирачкото место број 1612 во општина Конче, избирачките места 835, 874 и 865 во општина Кочани и избирачкото место 882 во општина Чешиново-Облешево,

Коалицијата предводена од ВМРО-ДПМНЕ поднела еден приговор, кој се однесува на избирачкото место број 1532 во општина Пробиштип,

Пет приговори се од политичката партија ДУИ, кои се однесуваат на избирачките места број 2341, 2352 и 2355 во општина Студеничани, и избирачките места број 2107 и 2108/1 во општина Желино.

Три приговори се од Група избирачи Енвер Пајазити, кои се однесуваат на избирачките места број 2037, 2040/1 и 2038 во општина Брвеница.мд/са/