Поднесена кривична пријава против кумановец за обид за убиство
- СВР Куманово денеска до Основното јавно обвинителство Куманово поднел кривична пријава против ВЈ.(32) од Куманово, поради постоење основи на сомневање дека сторил кривично дело „обид за убиство“.
![Поднесена кривична пријава против кумановец за обид за убиство](https://new.mia.mk/index.php/images/20240808193803_big_730x400_47.webp )
Скопје, 8 август 2024 (МИА) - СВР Куманово денеска до Основното јавно обвинителство Куманово поднел кривична пријава против ВЈ.(32) од Куманово, поради постоење основи на сомневање дека сторил кривично дело „обид за убиство“.
Како што соопшти МВР, утрово во 03.30 часот во Куманово, полициски службеници од СВР Куманово го лишиле од слобода кумановецот В.Ј.
-В.Ј. се сомничи дека околу 03 часот во дворот од неговиот дом во Куманово, по претходна расправија околу ваучери за играње во казино каде двајцата биле вработени при физичка пресметка, со остар предмет му нанел убодна рана на С.М.(35) од Куманово, наведуваат од МВР.
С.М. бил пренесен во болницата во Куманово за укажување лекарска помош. вг/цр
Фото: МИА Архива