Повеќекратни крводарители добија признанија во Неготино
- Повеќекратни крводарители добија признанија денеска во Неготино, во рамките на одбележувањето на 17 март, денот на крводарителството и денот на основањето на Црвениот крст на РСМ.
![Повеќекратни крводарители добија признанија во Неготино](https://new.mia.mk/index.php/images/20240318160146_big_730x400_57.webp )
Неготино, 18 март 2024 (МИА) - Повеќекратни крводарители добија признанија денеска во Неготино, во рамките на одбележувањето на 17 март, денот на крводарителството и денот на основањето на Црвениот крст на РСМ.
- Оваа година се одбележуваат 79 години од формирањето на хуманитарната организација. Признанија добија крводарители со дарувани 10, 25, 50 и 100 пати, ги додели претседателот на ОО на Црвен крст Неготино, д-р Миле Тошев, рече секретарот на неготинскиот Црвен крст, Тошко Настов.
Тој подвлече дека Црвен крст Неготино доби државно признание за остварен план во делот на крводарителството.
- Од проектирани 640, се собрани 874 крвни едници за 2023 година, или планот е остварен за 130 отсто, истакна Настов. свд/аа/
Фото : Црвен крст Неготино