Париз, 8 декември 2020 (МИА) - Потребни се тешки затворски казни на судењето за нападите од јануари 2015 година во Франција. По речиси три месеци судење, обвинителството побара максимална казна за отсутниот Мохамед Белхоусин, близок пријател на Амеди Кулибали, односно доживотен затвор со безбедносен рок од 22 години, со зачувување на потерницата издадена против него, јави дописникот на МИА. Истото важи и за Али Риза Полат, обвинет за соучесништво во терористички акти. Против Мехди Белхусин, исто така отсутен, се побарани 20 години затвор со безбедносна казна од две третини. За вдовицата на Кулибали, Хајат Бумедиен, која сè уште е во Сирија, побарани се 30 години затвор со безбедносен период од две третини. Во високиот спектар на злосторничкото терористичко здружение, против Вили Провост, обвинет дека се грижел за се за Амеди Кулибали, побарани се 18 години затвор со две третини од безбедносниот период, додека против Микаел Пастор Алватик, пријател на терористот од супермаркетот Хиперкашер, побарани се 20 години казна затвор со период на безбедност. Амар Рамдани, поранешен припадник на „сектатата од буандери “, близок пријател на Кулибали, поради криминален терористички заговор и за обезбедување оружје и финансиска поддршка, 17 години казна затвор до две третини за безбедност. Абделазиз Абад, вклучен во компонентата за барање оружје за браќата Куачи и Кулибали, исто така се побарани 18 години затвор со безбедносен период од две третини и 15 години против неговиот партнер Мигел Мартинез. Обвинителите го потсетија судот дека неговата одлука е очекувана од сите граѓани и меѓународните актери. тг/