Пионерите на Академија Пандев победници на купот „Драган Манце“
- Тимот на Академија Пандев, генерација 2010/11, се победници во својата конкуренција на годинашново издание на „Драган Манце“ купот во Белград, Србија.
![Пионерите на Академија Пандев победници на купот „Драган Манце“](https://new.mia.mk/index.php/images/20221113163035_big_730x400_56.webp )
Струмица, 22 јуни 2022 (МИА) – Тимот на Академија Пандев, генерација 2010/11, се победници во својата конкуренција на годинашново издание на „Драган Манце“ купот во Белград, Србија.
Младите фудбалери на тренерот Васко Тодоров покажаа одлични партии и го подигнаа победничкиот пехар, а Димитар Петров е прогласен за најдобар голман на турнирот.
Најмладите „пандевци“ во Белград не претрпеа ниту еден пораз. Во финалето се сретнаа со словенечкиот Марибор и одиграа 2:2, но по изведувањето пенали славеа со 3:1.
На турнирот учествуваа 40 екипи од поранешна Југославија, но и од Полска и Молдавија. рт/зс/