Пиоли по поразот од Рен: Важно е дека се квалификувавме во следната фаза
- Тренерот на Милан, Стефано Пиоли имаше одредени критики за своите играчи по поразот со 3:2 во реваншот против Рен во плеј-офот од Лигата на Европа
![Пиоли по поразот од Рен: Важно е дека се квалификувавме во следната фаза](https://new.mia.mk/index.php/images/20240223073721_big_730x400_2.webp )
Рен, 23 февруари 2024 (МИА) - Тренерот на Милан, Стефано Пиоли имаше одредени критики за своите играчи по поразот со 3:2 во реваншот против Рен во плеј-офот од Лигата на Европа.
„Росонерите“ го добија првиот натпревар со 3:0 и се чинеше дека несериозно влегоа во реваншот, што можеше на крајот да доведе до проблеми за нив.
Сепак, тренерот е задоволен што неговата екипа оди напред и верува дека имаат голем потенцијал да стигнат далеку на турнирот.
- Може да има различни мислења за овој натпревар, но важно е дека се квалификувавме во следната фаза. Да се продолжи понатаму изгледаше лесно по победата од 3:0 во првиот натпревар, но се покажа дека не е така. Има многу работи на кои треба да размислуваме. Денешниот натпревар потврди дека имаме голем потенцијал да одиме далеку на турнирот. Но, треба да дозволуваме помалку шанси пред нашиот гол, изјави Пиоли по мечот.дс
Фото: Архива