Пике го откажува новиот договор со Барселона за да може клубот да потпише нови засилувања
- Дефанзивецот на Барселона, Жерар Пике се согласил да ја намали платата за да му помогне на клубот.
![Пике го откажува новиот договор со Барселона за да може клубот да потпише нови засилувања](https://new.mia.mk/index.php/images/20221113193933_big_730x400_60.webp )
Барселона, 9 август 2022 (МИА) - Дефанзивецот на Барселона, Жерар Пике се согласил да ја намали платата за да му помогне на клубот.
„Sport.es“ објави дека 35-годишниот Шпанец е подготвен да го откаже договорот, потпишан во октомври 2020 година под водство на претходниот претседател на клубот, Хосеп Бартомеу. Според договорот, кој важи до крајот на јуни 2024 година, играчот имал гаранција дека ќе добие 28 милиони евра, а може да заработи и уште 12 милиони евра во бонуси.
Барселона смета дека договорот на Пике, како и договорите со Марк-Андре тер Штеген, Френки де Јонг и Клемент Ленгле биле потпишани со кршење на законот.
Пике е првиот од играчите кои се согласија да направат отстапки, да го раскинат договорот и да потпишат нов со намалена плата. Благодарение на ова, Барселона ќе може да ги прогласи сите новајлии во тимот потпишани ова лето. Пред ова, клубот не можеше да го стори тоа поради проблеми со ограничувањето на платата.
Летово Барселона потпиша со дефанзивците Андреас Кристенсен и Жил Кунде, играчите од средниот ред Франк Кеси и Рафиња, како и со напаѓачот Роберт Левандовски. Покрај тоа, клубот повторно потпиша со играчот од средниот ред Серхи Роберто и напаѓачот Усман Дембеле, чии претходни договори со клубот беа истечени.
Каталонците не можат да ги ангажираат сите седум играчи поради финансиски проблеми. зс/