Пецаков во обиколка на градежните активности во стариот дел на Охрид
- Градоначалникот на Општина Охрид, Кирил Пецаков денеска изврши увид во градежните активности на улиците „Климентов Универзитет“ и „Бранко Шотра“ во стариот дел од градот.
![Пецаков во обиколка на градежните активности во стариот дел на Охрид](https://new.mia.mk/index.php/images/20221112135003_big_730x400_57.webp )
Охрид, 1 март 2022 (МИА) – Градоначалникот на Општина Охрид, Кирил Пецаков денеска изврши увид во градежните активности на улиците „Климентов Универзитет“ и „Бранко Шотра“ во стариот дел од градот.
На „Климентов Универзитет“, како што соопшти Општина Охрид, се врши реконструкција на плочките, а градежните активности ги изведува фирмата „Бокоп“. На улицата „Бранко Шотра“ завршиле активностите за поставување нова водоводна линија.
- Со цел подобрување на квалитетот во водоснабдувањето, се постави нов цевковод од полиетиленски материјал во должина од 66 метри, вклучувајќи и поединечно преприклучување на сите објекти од улицата во новата линија, истакна Пецаков.
Тој најави дека е предвидена реконструкција на плочките на повеќе локации низ Стариот дел на градот, односно онаму каде што има потреба.
Според Пецаков, целосно завршиле и активностите за фугирањето на потпорните ѕидови, што ќе превенира оштетување и рушење на ѕидовите.сс/фф/
![охрод ѕид](/articles/images/%d0%bf%d0%b5%d1%86%d0%b0%d0%ba%d0%be%d0%b2-%d0%b2%d0%be-%d0%be%d0%b1%d/CS92UXAQn/placeholder.webp?use_watermark=0)