Петмината американски затвореници полетаа од Техеран, двајца од иранските затвореници слетаа во Доха
- Портпаролот на иранското Министерство за надворешни работи претходно денеска изјави дека двајца ирански затвореници ќе останат во САД на нивно барање, а еден од нив ќе му се придружи на семејството во трета земја. -Околу шест милијарди долари ирански имот што некогаш беше замрзнат во Јужна Кореја сега е трансфериран во Катар, што беше клучен елемент во размената на затвореници, изјави портпаролот на Министерството Насер Канани на прес-конференција емитувана на државната телевизија.
![Петмината американски затвореници полетаа од Техеран, двајца од иранските затвореници слетаа во Доха](https://new.mia.mk/index.php/images/20230918160335_big_730x400_44.webp )
Доха, 18 септември 2023 (МИА) - Катарски авион со петмина ослободени Американци и придружуван од двајца членови на семејствата, како и катарскиот амбасадор во Иран, полета денеска од аеродромот во Техеран, јавуваат британските меидуми.
Иранската Прес ТВ објави дека двајца од петте ирански затвореници ослободени од САД, Мехрдад Моин Ансари и Реза Сархангпур, слетале во Доха, пренесуваат британските медиуми.
Портпаролот на иранското Министерство за надворешни работи претходно денеска изјави дека двајца ирански затвореници ќе останат во САД на нивно барање, а еден од нив ќе му се придружи на семејството во трета земја.
-Околу шест милијарди долари ирански имот што некогаш беше замрзнат во Јужна Кореја сега е трансфериран во Катар, што беше клучен елемент во размената на затвореници, изјави портпаролот на Министерството Насер Канани на прес-конференција емитувана на државната телевизија.
Според договорот, средствата ќе се чуваат на сметки во Катар, сојузник на САД на Арапскиот полуостров, каде има и голем американски воен објект. Средствата се дозволени за таканаречени хуманитарни трошоци, како што се храна и лекови, веќе дозволени со санкции, соопштија САД. сд/
фото:ЕПА