Петковиќ на средби во Брисел за состојбата на Косово
- Директорот на српската Канцеларија за Косово и Метохија и белградски преговарач во дијалогот со Приштина, Петар Петковиќ, денеска во Брисел одржа работна средба на амбасадори, претставници на земјите-членки на ЕУ, како и претставници на Европската комисија и Европската служба за надворешни работи.
![Петковиќ на средби во Брисел за состојбата на Косово](https://new.mia.mk/index.php/images/20231009153533_big_730x400_89.webp )
Белград, 9 октомври 2023 (МИА) - Директорот на српската Канцеларија за Косово и Метохија и белградски преговарач во дијалогот со Приштина, Петар Петковиќ, денеска во Брисел одржа работна средба на амбасадори, претставници на земјите-членки на ЕУ, како и претставници на Европската комисија и Европската служба за надворешни работи.
Петковиќ детално ги информираше за актуелната политичко-безбедносна состојба на Косово со посебен осврт на текот на дијалогот и последните трагични настани во Бањска.
„Во текот на двоиполчасовната презентација и отворената дискусија, Петковиќ на присутните дипломати им пренесе дека Белград, на чело со претседателот Александар Вучиќ, прави се за да ги зачува мирот и стабилноста и дека Србија на ниту еден начин не сакала или учествувала во неодамнешните трагични настани во Бањска“, се нагласува во соопштение. паг/
Фото: БЕТА