Песна за „дебелите девојки“ исфрлена од новата колекција најголеми хитови на „Квин“
- Песната ја опеа љубовта кон „полничките“ девојки, но некои сметаат дека не е коректна, па затоа е исфрлена од новата колекција најголеми хитови на бендот наменета за помладата публика на стрим-платформата „Јото“.
![Песна за „дебелите девојки“ исфрлена од новата колекција најголеми хитови на „Квин“](https://new.mia.mk/index.php/images/20230822082349_big_730x400_94.webp )
Лос Анџелес, 22 август 2023 (МИА) - Хитот на групата „Квин“ од 1978 година - „Fat Bottomed Girls“, е најновата жртва на тн. „Култура на исклучување“. Песната ја опеа љубовта кон „полничките“ девојки, но сепак, некои сметаат дека не е коректна, па затоа е исфрлена од новата колекција најголеми хитови на бендот наменета за помладата публика на стрим-платформата „Јото“.
„Дебели девојки, светот се врти поради вас“, гласи еден стих од песната, па се чини, за многумина денес е контроверзна.
Целта на објавувањето на колекцијата хитови на платформата е да се запознаат и помладите со музиката на „Квин“, а мнозина ја критикуваат одлуката тоа парче музика да биде исфрлено од списокот, нарекувајќи ја „апсурдна“.
„Ова е сосем нова состојба во музичкиот свет. Никој не може да разбере зошто толку добронамерна и забавна песна не може да биде прифатлива во денешното општество. Зошто не ги цениме луѓето од сите ‘форми и големини’ како што вели општеството треба, наместо ‘да се ослободиме’ од нив? Да се игнорира таа песна е апсурдно. Патем, ефектот на бумеранг ќе резултира со повеќе луѓе да ја преземат таа песна отколку пред 40 години“, истакна колумнистот на Фокс Њуз, Џо Конча.
Песната е еден од најголемите хитови на легендарната рок група, а се појави и на нивниот албум „Greatest Hits“ од 1981 година. А, овојпат и некои други песни доаѓаат со предупредување дека „дел од музиката на бендот содржи теми за возрасни, како што се повремени референци за насилство и дрога“. си/
Фото: Википедија.