Пенс: Во САД секојдневно на Ковид-19 се тестираат по околу 150.000 лица
- Американскиот потпретседател Мајк Пенс денеска изјави дека во моментов во земјата дневно се прават по 150.000 тестови на коронавирирус, но посочи дека верува дека сојузните држави, а не федер
![Пенс: Во САД секојдневно на Ковид-19 се тестираат по околу 150.000 лица](https://new.mia.mk/index.php/images/20221103024513_big_730x400_73.webp )
Вашингтон , 19 април 2020 (МИА) - Американскиот потпретседател Мајк Пенс денеска изјави дека во моментов во земјата дневно се прават по 150.000 тестови на коронавирирус, но посочи дека верува дека сојузните држави, а не федералните власти, се одговорни за тоа што оваа бројка не е поголема.
Пенс во изјава за Ен-Би-Си кажа дека оваа бројка „ преку ноќ може да се зголеми за повеќе од двапати доколку сојузните држави ширум САД ги активираат сите свои расположливи лаборатории“.
Тој, меѓутоа, кажа дека бројот на тестови што секој ден се спроведуваат во САД е доволен за државите да почнат со реактивирање на своите економии, во согласност со насоките што неделава ги соопшти Белата куќа, пренесуваат американските медиуми. сд/