Пендаровски постави нови амбасадори во Словачка, Канада, Норвешка, Белгија и Бугарија
- Претседателот Стево Пендаровски, во рамки на своите уставни надлежности, денеска потпиша укази за поставување на должноста вонреден и ополномоштен амбасадор на Република Северна Македонија во
![Пендаровски постави нови амбасадори во Словачка, Канада, Норвешка, Белгија и Бугарија](https://new.mia.mk/index.php/images/20221113215454_big_730x400_43.webp )
Скопје, 9 септември 2022 (МИА) - Претседателот Стево Пендаровски, во рамки на своите уставни надлежности, денеска потпиша укази за поставување на должноста вонреден и ополномоштен амбасадор на Република Северна Македонија во Словачката Република, во Канада, во Кралството Норвешка, во Кралството Белгија и во Република Бугарија.
За амбасадор во Словачката Република е поставена Евгенија Илиева, во Канада за амбасадор е поставен Агрон Буџаку, додека во Кралството Норвешка за амбасадор е поставен Дритон Кучи.
Методија Белевски е поставен за амбасадор во Кралството Белгија, додека за амбасадор во Република Бугарија е поставена Агнеза Руси Поповска. дма/