Пендаровски до Грлиќ Радман: Подготвени сме и очекуваме што поскоро почеток на преговорите со ЕУ
- Претседателот Стево Пендаровски денеска го прими министерот за надворешни и европски работи на Република Хрватска, Гордан Грлиќ Радман, кој престојува во посета на Република Северна Македониј
![Пендаровски до Грлиќ Радман: Подготвени сме и очекуваме што поскоро почеток на преговорите со ЕУ](https://new.mia.mk/index.php/images/20221113160035_big_730x400_54.webp )
![пендаровски - радман 2](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/LPuBipUTv/placeholder.webp?use_watermark=0)
Како што соопшти Кабинетот на претседателот, на средбата се потврдени одличните билатерални односи меѓу двете држави и е изразено задоволство од интензивниот политички дијалог, конструктивните разговори, како и размената на посети на високо и највисоко ниво, за што говорат и учествата на хрватскиот претседател Зоран Милановиќ и министерот Грлиќ Радман на меѓународната конференција „Преспа форум за дијалог“ што ќе се одржи во Охрид.
![пендаровски - радман 5](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/v43sJW43E/placeholder.webp?use_watermark=0)
- Претседателот Пендаровски изрази благодарност за континуираната хрватска поддршка за евроинтегративниот процес и изрази подготвеност и очекувањe за што поскоро одржување на првата меѓувладина конференција и започнување на пристапните преговори со ЕУ. Во тој контекст, соговорниците разменија мислења и информации за последниот развој на настаните во соседна Бугарија, како и за напорите на француското претседателство со Унијата за деблокада и пробив на процесот, се наведува во соопштението.
![пендаровски - радман 7](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/qsmTiUQdT/placeholder.webp?use_watermark=0)
Претседателот Пендаровски и министерот Грлиќ Радман разговараа и за актуелните состојби во поширокиот регион, вклучително и за руската инвазија врз Украина, како и за безбедноста и стабилноста на Европа. вг/сп/