Пендаровски: Да се спроведе соодветна истрага за уништувањето на Универзална сала
- Кандидатот за претседател Стево Пендаровски изразува жалење за денешниот пожар што ја зафати Универзална сала во Скопје и повикува на брза реакција на надлежните институции.
![Пендаровски: Да се спроведе соодветна истрага за уништувањето на Универзална сала](https://new.mia.mk/index.php/images/20240409125353_big_730x400_9.webp )
Скопје, 9 април 2024 (МИА) - Кандидатот за претседател Стево Пендаровски изразува жалење за денешниот пожар што ја зафати Универзална сала во Скопје и повикува на брза реакција на надлежните институции.
-Мора да се спроведе соодветна истрага, да се лоцираат и да се санкционираат сите кои се одговорни за уништувањето на овој значен објект, соопшти Изборниот штаб на Пендаровски.
Оттаму посочуваат дека Пендаровски во следниот мандат ќе се заложи во најкус можен рок да биде обновен еден од симболите на Скопје, објект врежан во колективната меморија на десетици генерации скопјани. дма/ев/
Фото: МИА архива